Keçid linkləri

2024, 28 Mart, Cümə axşamı, Bakı vaxtı 19:15

ANS Teleradio Şurasının hesabının dondurulmasını istəyir


Mirşahin Ağayev: "Beynəlxalq təşkilatlar..."
Gözlə

No media source currently available

0:00 0:04:08 0:00

Mirşahin Ağayev: "Beynəlxalq təşkilatlar..."

Vaxtilə Milli Televiziya və Radio Şurası (MTRŞ) ANS telekanalına «Abşeron» adlı serialın çəkilişinə ayırdığı 200 min manatın 160 minini köçürsə də, 40 mini qalıb.

Teleradio Şurası ANS-in «Abşeron» əvəzinə «Sevgi naminə» serialını təqdim etdiyini deyir, qalan pulu ödəməkdən imtina edir, həmçinin 160 min manatı geri tələb edir. Üstəlik, 8 min manat cərimə ödənilməsini istəyir.

ANS isə işi gördüyünü, öhdəliyi yerinə yetirdiyini əsas gətirərək, 40 min manatın ödənilməsi üçün 1 saylı Bakı İnzibati-İqtisadi Məhkəməsinə müraciət edib.

Avqustun 11-də keçirilən məhkəmə iclasında hakim İlham Əhmədov məlumat verib ki, ANS ötən iclasda çıxarılmış qərardaddan şikayət verib. Söhbət Teleradio Şurasının bank hesabına həbs qoyulmasından ötrü ANS-in qaldırdığı vəsatətlə bağlı qərardaddan gedir. Məhkəmə ANS-in vəsatətini təmin etməyib. Həmin qərardan da şikayət verilib. Hələ şikayətə baxılmadığına görə İlham Əhmədov əsas iddia üzrə məhkəməni avqustun 16-na qədər təxirə salıb.

Qeyd edək ki, Teleradio Şurasının 160 mini geri tələb etməsi ilə əlaqədar da məhkəmə davam edir. Bu gün həmin işə Bakı Apellyasiya Məhkəməsində baxılacaq.

XS
SM
MD
LG