Keçid linkləri

Təcili xəbərlər
2020, 28 Oktyabr, çərşənbə, Bakı vaxtı 22:14

Əfqanıstanda həlak olanlara görə təqaüd artırılır


Əfqanıstanda Sovet tanklarının qalıqları

Sovet qoşunlarının tərkibində həlak olan, itkin düşən və məhkəmə qaydasında ölmüş elan edilən hərbi qulluqçuların ailələrinə verilən prezident təqaüdü artırılıb.

Bununla bağlı bu gün, fevralın 21-də prezidenti İlham Əliyev fərman imzalayıb.

Fərmana əsasən, həmin təqaüdün aylıq məbləği artırılaraq 2019-cu il martın 1-dən 300 manat müəyyən edilib.

Hazırda bu məbləğ 220 manatdır.

Prezidentin fevralın 21-də verdiyi sərəncamla isə Əfqanıstan Veteranları İctimai Birliyinə 1, 0 (bir) milyon manat ayrılıb.

Həmin vəsait Azərbaycan Əfqanıstan Veteranları İctimai Birliyinin maddi-texniki bazasının gücləndirilməsi və başqa bu kimi məsələlərə sərf edilməlidir.

Xatırlatma

1979-1989-cu illər arasında SSRİ Silahlı Qüvvələri Əfqanıstanda olub. Həmin ordunun tərkibində Azərbaycandan gedən minlərlə gənc də xidmət edib.

Verilən məlumata görə, onlardan 208 nəfər döyüşlərdə həlak olub, 10-a yaxını isə itkin sayılıb. 500 nəfərə yaxının da əlil olduğu bildirilir.

SSRİ qoşunları 1989-cu il fevralın 15-də Əfqanıstandan tam çıxarılıb.

XS
SM
MD
LG