Keçid linkləri

2024, 18 İyul, Cümə axşamı, Bakı vaxtı 19:06

Cenevrə görüşü başa çatdı. Hərə öz mövqeyində qalır


ABŞ dövlət katibinin müavini Uendi Şerman (solda) və Rusiya xarici işlər nazirinin müavini Sergey Ryabkov
ABŞ dövlət katibinin müavini Uendi Şerman (solda) və Rusiya xarici işlər nazirinin müavini Sergey Ryabkov

ABŞ dövlət katibinin müavini deyib ki, Vaşinqton Rusiyanın Şərqi Avropada ABŞ qoşunlarının azaldılması təklifini rədd edib

Birləşmiş Ştatlar və Rusiya nümayəndə heyətləri arasında Cenevrədə səkkiz saat davam edən danışıqlar başa çatıb.

Bu danışıqlar bu həftə ərzində Qərb və Rusiya arasında davam edəcək silsilə dialoqun ilk görüşü idi.

ABŞ dövlət katibinin müavini, Birləşmiş Ştatlar nümayəndə heyətinin başçısı Uendi Şerman Rusiya xarici işlər nazirinin müavini Sergey Ryabkovla danışıqları “ciddi” və “işgüzar” adlandırıb.

Xanım Şerman bu görüşü danışıqlar yox, “söhbət” hesab etdiyini deyib və əlavə edib ki, ABŞ Rusiyanın tələbləri üzərində sətirbəsətir dayanmayıb.

Şerman bunu da bildirib ki, ABŞ danışıqlara Avropada müdafiə raketlərinin yerləşdirilməsi və hərbi təlimlərin kəmiyyəti də daxil bir sıra təkliflərlə gəlmişdi.

ABŞ dövlət katibinin müavini deyib ki, Vaşinqton Rusiyanın Şərqi Avropada ABŞ qoşunlarının azaldılması təklifini rədd edib.

Onun sözlərinə görə bu məsələ yanvarın 10-da keçirilən danışıqların “gündəliyində olmayıb”.

Moskva əsas tələbinin Ukrayna olduğunu deyir

Öz növbəsində Ryabkov bildirib ki, Ukraynanın NATO üzvü olmasına imkan verilməməsinə dair Moskvanın tələbi istiqamətində irəliləyişə nail olmaq mümkün olmayıb.

Ryabkov israr edib ki, ABŞ diplomatları ilə gələcək danışıqların perspektivi bu tələbin yerinə yetirilməsindən asılı olacaq.

Lakin Şerman deyib ki, “Vaşinqton heç kimə NATO-nun açıq qapılar siyasətinin qapısını bağlamaq ixtiyarı verməyəcək”.

ABŞ rəsmisi vurğulayıb ki, bu prinsip alyansın əsas qayəsidir:

"Biz Birləşmiş Ştatlarla işləmək arzusunda olan suveren dövlətlərlə ikitərəfli əməkdaşlıqdan imtina etməyəcəyik. Və biz Ukrayna barəsində Ukraynasız, Avropa barəsində Avropasız, NATO barəsində NATO-suz qərarlar qəbul etməyəcəyik. Biz partnyorlarımıza demişik: “sizsiz sizin barənizdə heç nə””.

Şerman bildirib ki, Vaşinqton Rusiyaya məsələləri daha detallı müzakirə etmək üçün “tezliklə” yenidən görüşməyi təklif edib.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG