ABŞ hakimiyyəti qanunsuz miqrantları ölkədən deportasiya etməyə hazırlaşır.
ABŞ kütləvi informasiya vasitələrinin məlumatına görə, ölkənin immiqrasiya və gömrük xidməti istirahət günləri deportasiyasına order verilmiş ailələri saxlamaq üçün 10 şəhərdə reydlər keçirəcəklər.
İdarədən verilən məlumata görə, bu təxminən iri şəhərlərdə yaşayan 2 min adama aid olacaq.
Bura immiqrasiya məhkəmələri olan, Atlanta, Baltimor, Çikaqo, Hyuston, Los-Anceles, Mayami, Yeni Orlean, Nyu-York və San-Fransisko kimi şəhərlər daxildir.
İdarələrdən verilən məlumata görə, bütün məhkəmə instansiyasından keçmiş ailələr deportasiya olunacaq.
Onlar, konsulluqlardan geri dönmık üçün sənədlər alınanadək, xüsusi ailə mərkəzlərində saxlanacaqlar.
İmmiqrasiya və gömrük idarəsi bildirib ki, ailələrin parçalanmasına yol verilməməsi üçün bütün mümkün imkanlara əl atacaq.
Belə hallar ən çox valideynlər ABŞ-a qeyri-qanuni yollarla gəldikdə və uşaqları orda doğulduqda baş verir.
Çünki ABŞ qanunlarına görə, orda doğulan uşaqlar bu ölkənin vətəndaşı sayılır.
İdarənin məlumatına görə, qeyri-rəsmi rəqəmlərə görə hazırda ölkədə 10 milyondan çox qanunsuz miqrant var.
Son vaxtlar Meksika sərhədindən ABŞ-a keçənlərin sayı xeyli artıb.
Xatırladaq ki, qanunsuz miqrantlara qarşı mübarizə prezident Donald Trump-ın seçkiqabağı əsas vədlərindən biri idi.
