2026, 17 Noyabr, çərşənbə axşamı, Bakı vaxtı 22:40

ABŞ süni intellekt çiplərinin ixracına məhdudiyyətləri sərtləşdirib

Bu sahədə işləyənlər 5 il sonra işsiz qalacaqlar

No media source currently available

Bu sahədə işləyənlər 5 il sonra işsiz qalacaqlar

ABŞ Ticarət Nazirliyi süni intellekt üçün qabaqcıl çiplərin ixrac qaydalarını sərtləşdirib. Məqsəd Çin şirkətlərinin üçüncü ölkələr vasitəsilə Amerika texnologiyalarına çıxışını məhdudlaşdırmaqdır. Bu barədə "Bloomberg" və "CBS News" məlumat yayıb.

Noyabrın 16-da dərc edilmiş sənədə əsasən, qabaqcıl çiplərin Braziliya, İndoneziya, Malayziya, Sinqapur və Tailanda ixracı, təkrar ixracı və ötürülməsi üçün əlavə lisenziya tələb olunacaq.

Yeni məhdudiyyətlər yalnız ən qabaqcıl çiplərə şamil olunur.

ABŞ hakimiyyətinin mövqeyinə görə, bu ölkələrdən ixrac məhdudiyyətlərindən yayınmaq üçün istifadə edilə bilər. Söhbət həm vasitəçilər yolu ilə Çinə çip göndərilməsindən, həm də Çin şirkətlərinə xaricdəki məlumat mərkəzlərindən uzaqdan yararlanmaq imkanı yaradılmasından gedir.

Yeni qaydaların dərcindən bir neçə gün əvvəl "Nvidia" şirkətinin baş direktoru Censen Huanq istefa verib. Bu istefa milyarderin Elis Huanq kimi tanınan Huan Le ilə münasibətləri ətrafında yaranmış qalmaqal fonunda baş verib. Le Cənub-Şərqi Asiyada "Nvidia" çiplərinin ən böyük alıcılarından olan Sinqapurun "Megaspeed" şirkətinə rəhbərlik edir. Medianın məlumatına görə, ABŞ xüsusi xidmət orqanları onun Çin hakimiyyəti ilə əməkdaşlıq etdiyindən şübhələnirlər.

"Bloomberg" yazır ki, Le ilə əlaqəli qurumlar ABŞ istehsalı olan çiplərin alınmasında iştirak ediblər. Həmin çiplər sonradan ixrac məhdudiyyətlərindən yan keçməklə Şanxaydakı məlumat mərkəzinə çatdırılıb.

Əvvəlcə çipləri "Dell Technologies" şirkətindən Sinqapur şirkəti alıb, daha sonra onlar Lenin Malayziyadakı şirkətinə satılıb. Sonradan həmin çiplər təsisçilərindən biri Le olan Çinin "Shanghai Longteng Intelligent Computing" şirkətinin hesabatlarında aşkarlanıb.

ABŞ Maliyyə Nazirliyi bir neçə aydır "Megaspeed International" şirkətinə məhdudiyyətlər qoyulmasını dəstəkləyir. Yekun qərarı isə Ticarət Nazirliyi verməli idi, amma bu addımı atmayıb.

"Nvidia" qalmaqalı ilə yeni ixrac məhdudiyyətlərinin tətbiqi arasında birbaşa əlaqə rəsmi olaraq təsdiqlənməyib.

"Reuters" bu gün — noyabrın 17-də Cənub-Şərqi Asiyada məlumat mərkəzləri və çip təchizatı zənciri ilə bağlı şirkətlərin səhmlərinin kəskin ucuzlaşdığını yazır.

Bəzi Çin şirkətləri bu ölkələrdəki mərkəzlərin hesablama güclərindən süni intellekt modellərinə təlim keçmək üçün yararlanıblar.

​
XS
SM
MD
LG