ABŞ senatı iyunun 18-də Türkiyəyə F-35 təyyarələri satışının dayandırılmasını nəzərdə tutan qanun layihəsi qəbul edib.
Reuters və digər qərb agentliklərinin məlumatına görə, sənəddə, Türkiyənin Rusiyadan S-400 raketlərinin alışını dayandırmayacağı halda ona qarşı belə bir qatağa tətbiq edilməsi təklif olunur.
Qeyd edək ki, S-400, Rusiyanın yeni nesil hava hücumlarından müdafiə sistemlərindən biridir.
NATO üzvü olan Türkiyə ABŞ-ın F-35 proqramında tərəfdaş ölkələrdən biridir vəhazırda 100-ə yaxın “Stealth” təyyarəsi almağı planlaşdırır. Bu təyyarələri Lockheed Martin Corp şirkəti istahsal edir.
Sənədin qüvvəyə minməsi üçün onu ABŞ prezidenti Donald Trum-da təsdiqləməlidir.
NATO rəsmiləri dəfələrlə Türkiyəyə xəbərdarlıq ediblər ki, Rusiyanın S-400 sistemləri NATO-nun müdafiə sistemi ilə düz gəlmir.
Qeyd edək ki, Türkiyə 2016-cı ildə Rusiya ilə S-400 raketlərinin alınması barədə razılaşma imzalayıb.
Senatorlar həmçinin Türkiyə prezidenti Racep Tayyip Erdoganın hakimiyyəti dövründə Ankara ilə Moskva arasında münasibətlərin möhkəmlənməsi, habelə 2016-cı il qiyam cəhdindən sonra bu ölkədə ABŞ vətəndaşlarının həbsindən narahatlıq bildiriblər.
Qeyd edək ki, Türkiyə regionda NATO və ABŞ-ın əsas müttəfiqlərindən biri idi.
Amma 2016-cı ildəki çeviriliş cəhdindən sonra ölkədə başlanan həbslər və represiyalara görə Ankara ilə Vaşinqton arasında münasibətlər pisləşdi.
Ankara hesab edir ki, həmin çevriliş cəhdinin arxasında hazırda ABŞ-da yaşayan ilahiyyatçı Fətullah Gülen durur.
Gülen ittihamları rədd edir.