Keçid linkləri

2024, 25 Aprel, Cümə axşamı, Bakı vaxtı 09:01

ABŞ oliqarxın ‘Putinin çirkli pullarını’ yuduğunu iddia edib


Vladimir Putin (solda) və Oleg Deripaska 2017-ci ildə APEC-in Vyetnam sammitində
Vladimir Putin (solda) və Oleg Deripaska 2017-ci ildə APEC-in Vyetnam sammitində

ABŞ Maliyyə Nazirliyinin xarici aktivlərə nəzarət idarəsinin iddiasına görə rusiyalı oliqarx Oleg Deripaska prezident Vladimir Putinin çirkli pullarını yuyub.

ABŞ Maliyyə Nazirliyinin bu barədə Deripaskanın vəkillərinə göndərdiyi məktubu Financial Times qəzeti dərc edib.

Məktubda iddia olunur ki, Deripaska Putinin xahişi ilə 2012-ci ildə Soçidə keçirilmiş Olimpiada ilə bağlı müxtəlif layihələrə 800 milyon dollar sərmayə qoyub.

Bundan başqa Financial Times qəzeti istinad etdiyi müxtəlif mənbələrə əsasən Deripaskanın özünün “GAZ” şirkətinin səhmlərini ləğv etməkdə ittiham olunduğunu yazır.

Guya bundan məqsəd prezident pullarının yuyulmasını ört-basdır etmək idi.

Məktubda qeyd olunur ki, ümumilikdə Deripaskanın biznesi müxtəlif illərdə bir neçə dəfə Putinin şəxsi istifadəsi üçün pulların köçürülməsində iştirak edib.

Finacial Times məktuba istinadən yazır ki, ABŞ Maliyyə nazirliyi Deripaskanın qara siyahıya salınması üçün 6 əsas səbəb göstərir, lakin bütün səbəbləri açıqlayan cümlələrdə “iddia olunduğuna görə” və “xəbər verildiyi kimi” ifadələri işlədilir.

ABŞ Maliyyə Nazirliyinin 22 yanvar, 2020-ci il tarixli məktubunda bildirilir ki, xarici aktivlər idarəsi Deripaskanın sanksiyalanması üçün yalnız “açıqlanması mümkün olan” və məxfi olmayan məlumatları bəyan edib.

“Güman, şayiə və cəfəngiyyat”

Kreml Financial Times qəzetinin sorğusuna cavab olaraq bildirib ki, ABŞ Maliyyə Nazirliyinin ittihamları yalandır.

Deripaskanın özü isə ittihamları “güman, şayiə və cəfəngiyyat” adlandırıb.

2018-ci ilin aprelində Oleg Deripaska və onun GAZ, UC Rusal, En+ və Eurosibenergo şirkətləri üzərinə Moskvanın Krımı ilhaq etməsinə və 2016-cı ilin ABŞ seçkisinə müdaxiləsinə görə sanksiaylar qoyulub.

2019-cu ildə bir sıra şirkətlərin üzərindən sanksiyalar qaldırlıb, Deripaska isə ABŞ Maliyyə Nazirliyini məhkəməyə verib.

Deripaska Financial Times qəzetinə bildirib ki, ABŞ məhkəməsi bu işə təxminən 18 ayın içərisində baxa bilər.

Buna qədər Deripaskanın vəkilləri və ABŞ Maliyyə Nazirliyi arqument və əks-arqumentlərini mübadilə etməlidirlər.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG