Keçid linkləri

Təcili xəbərlər
2019, 11 Dekabr, çərşənbə, Bakı vaxtı 09:22

ABŞ və Rusiyanın hərbi gəmiləri ‘az qala’ toqquşacaqdı


ABŞ-ın raket kreyseri ilə Rusiyanın minadaşıyan gəmisi Filippin yaxınlığında bir-birinin bir neçə metrliyindən keçib.

ABŞ rəsmiləri bu insidentə görə Rusiya gəmisini “təhlükəli və qeyri-peşəkar” davranışda ittiham ediblər.

Rusiyanın Sakit Okean Donanması iyunun 7-də Amerikanın Chancellorsville gəmisi ilə toqquşma təhlükəsinə görə ABŞ donanmasını günahlandırıb.

Rusiya və ABŞ-ın hərbi təyyarələrui iki ölkənin hava sərhədləri yaxınlığında dəfələrlə təhlükəli şəkildə yaxınlaşıblar.

Belə insidentlərdən sonra tərəflər bir qayda olaraq qarşılıqlı ittihamla çıxış edirlər.

Bununla belə iki hərbi gəminin təhlükəli məsafədə yaxınlaşması nadir hadisədir.

ABŞ-ın Sakit okeandakı 7-ci Donanmasının sözçüsü kapitan Clayton Doss deyib ki, Rusiyanın Admiral Vinagradov gəmisi ABŞ kreyserinin yaxınlığında “təhlkükəli manevr” edib və gəmi heyətinin həyatını risk qarşısında qoyub.

Doss bildirib ki, gəmilər arasında məsafə cəmi 30 metr olub:

"Bu təhlükəli hərəkət Chancellorsville gəmisini tam sürətlə geriyə çəkilməyə məcbur edib ki, toqquşma baş verməsin”.

Rusiya donanması isə iddia edir ki, ABŞ gəmisi qəfildən kursunu dəyişib və 50 metrlik məsafədə Rusiya gəmisinin “yolundan keçib”.

Kapitan Doss Rusiya tərəfinin bəyanatını “təbliğat” adlandırıb.

ABŞ dənizçilərinin çəkdiyi bir neçə videoda iki gəminin çox yaxın məsafədə hərəkət etdiyi görünür.

Günün bütün mövzuları

XS
SM
MD
LG