Keçid linkləri

Təcili xəbərlər
2019, 23 Avqust, Cümə, Bakı vaxtı 06:06

ABŞ İrana görə İraq şirkətinə sanksiya elan edir


Stephen Mnuchin

Birləşmiş Ştatlar İraqda mənzillənmiş bir şirkətə onun təbirincə deyilərsə, İran İslam İnqilab Keşikçiləri Korpusuna ABŞ sanksiyalarından yan keçərək milyonlarla dollarlıq silah qaçaqmalçılığı etməkdə köməyinə görə sanksiyalar qoyub.

ABŞ Maliyyə Nazirliyinin iyunun 11-də verilmiş bəyanatında deyilir ki, sanksiya Bağdadda yerləşən South Wealth Resources Company şirkətini və onun iki vəzifəli rəsmisini hədəfləyir.

ABŞ onları İİKK-ə silah və maliyyə dəstəyi verməkdə ittiham edir.

ABŞ Maliyyə Nazirliyi bildirib ki, regionda İİKK-in Qüds Qüvvələrinin təmsili qruplaşmalarına silah verən İran silah qaçaqmalçılığı şəbəkəsinə qarşı ciddi tədbirlər görülür.

Bəyanatda bildirlir ki, bu qanunsuz şəbəkə ayrı-ayrı fiqurların varlanmasına xidmət edir.

Maliyyə naziri Steven Mnuchin deyib ki, İraqın maliyyə sektoru və bütövlükdə beynəlxalq maliyyə sistemi Tehranın ziyanlı əməllərinin qarşısının alınması üçün sərt müdafiə sistemi qurmalıdırlar.

İran və İraq bu sanksiyalara hələlik reaksiya verməyib.

Ötən apreldə ABŞ fövqəladə addım ataraq İİKK-i terrorçu təşkilatlar siyahısına daxil edib.

Bu sanksiyalar Yaponiya baş naziri Shinzo Abenin Tehrana səfəri dövrünə təsadüf edir. Abe Tehran və Vaşinqton arasında gərginliyin azaldılması üçün səylər göstərir.

Günün bütün mövzuları

XS
SM
MD
LG