Keçid linkləri

2024, 27 May, Bazar ertəsi, Bakı vaxtı 17:57

ABŞ BMT İnsan Haqları Şurasına müşahidəçi üzv kimi qayıdır


Cenevrədəki İnsan Haqları Şurası
Cenevrədəki İnsan Haqları Şurası

Birləşmiş Ştatlar ikiillik fasilədən sonra BMT-nin əsas insan haqları agentliyinə müşahidəçi statusunda qayıdacaq.

ABŞ-ı Cenevrədəki İnsan Haqları Şurasından keçmiş prezident Donald Trampın administrasiyası çıxarmışdı.

ABŞ-ın 47 ölkənin üzv olduğu bu qurumdakı səfiri Mark Kasseyr fevralın 8-də deyib:

"Şuranın işindəki çatışmazlıqları nəzərə alsaq da, bilirik ki, bu qurum dünya boyunca tiranlığa və ədalətsizliyəı qarşı mübarizə aparanlar üçün potensial baxımdan böyük əhəmiyyətə malikdir”.

Birləşmiş Ştatların Cenevrədəki agentliyə qayıtması prezident Co Baydenin keçmiş administrasiyanın “səhvlərini düzəltməsi” addımlarından biri kimi qiymətləndirilir.

Səfir vurğulayıb ki, Bayden administrasiyası “demokratiya, insan haqları və bərabərliyə söykənən xarici siyasətə inanır”.

O əlavə edib ki, “çoxmillətli qurumlardan səmərəli istifadə bu baxışın mühüm elementidir”.

ABŞ bu ilin sonunadək tamhüquqlu üzv olacaq

Tramp administrasiyası İnsan Haqları Şurasını tərk etdiyini 2018-ci ilin iyununda elan etmişdi.

Vaşinqton qurumu İsrailə qarşı qərəzdə və ABŞ-ın istədiyi islahatları həyata keçirməməkdə ittiham etmişdi.

Məsələ burasındadır ki, bu şuraya daxil ölkələrin bəziləri, xüsusilə də Çin, Kuba, Eritreya, Rusiya və Venesuela insan haqlarının kobud pozucusu sayılırlar.

Xəbər verilir ki, indilik ABŞ bu qurumda səsvermələrdə iştirak etməyən müşahidəçi üzv kimi iştirak edəcək.

Rəsmilər bildirirlər ki, Vaşinqton daha sonra bu qurumda boşalan üç mandatdan birinə sahib olacaq.

Avstriya, Danimarka və İtaliyanın üzvlük mandatları bu ilin sonunda başa çatır.

Bunun üçün BMT Baş Assambleyası, adətən oktyabr ayında səsvermə keçirir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG