Keçid linkləri

Təcili xəbərlər
2019, 20 Oktyabr, bazar, Bakı vaxtı 23:18

ABŞ və Belarus 11 illik fasilədən sonra ‘səfir mübadiləsi’ edəcək


Belarus prezidenti Alyaksandr Lukashenka ABŞ dövlət katibinin siyasi məsələlər üzrə müavini David Hale-i qəbul edib

ABŞ dövlət katibinin siyasi məsələlər üzrə müavini David Hale deyib ki, Birləşmiş Ştatlar və Belarus 11 illik fasilədən sonra səfir mübadiləsi edəcəklər.

Son 11 ildə ABŞ-ın Belarusda, Belarusun isə ABŞ-da səfirləri olmayıb.

Minskə səfəri zamanı Hale jurnalistlərə deyib ki, səfirlərin göndərilmə vaxtı onun prezident Alyaksandr Lukashenka ilə görüşündən sonra bəlli olacaq.

Hale deyib ki, “səfir mübadiləsi” iki ölkə arasında bağların bərpa edilməsində “tarixi addım” olacaq.

Birləşmiş Ştatlar və Avropa İttifaqı 25 ildir ki, Lukashenka-nın hakimiyyəti altında olan Belarusa 2006-cı ildən sanksiyalar qoyub.

Sanskiyaların qoyulmasına səbəb həmin il keçirilmiş prezident seçkisinin ardınca müxalifətin təqibinə başlanması idi.

Belarus sanksiyalara cavab olaraq 2008-ci ildə ABŞ-dakı səfirini geri çağırmışdı. Bundan az sonra ABŞ səfiri Belarusu tərk etmişdi.

Ötən ay ABŞ-ın indi artıq keçmiş milli təhlükəsizlik müvaşaviri John Bolton Minskə səfər etmişdi.

Boltonla görüşündən sonra Lukashenka demişdi ki, öz ölkəsi ilə ABŞ arasında münasibətlərin “yeni fəslinin açılmasını” istəyir.

Günün bütün mövzuları

XS
SM
MD
LG