Keçid linkləri

2024, 31 May, Cümə, Bakı vaxtı 02:26

ABŞ Aeroflotun 113 əməkdaşının vizalarını ləğv edir


ABŞ-da Nyu York ştatının şərq dairəsinin prokurorluğu Rusiya vətəndaşları olduqları güman edilən 10 nəfərə qarşı elektronika mallarının oğurluğuna görə ittiham irəli sürüb.

Müstəntiqlər bildirirlər ki, Apple cihazlarının oğurlanmasında Rusiyanın Aeroflot şirkətinin əməkdaşlarından istifadə olunub.

Məhz buna görə də bu şirkətin 113 əməkdaşının ABŞ vizaları ləğv edilib.

İttiham olunanlardan səkkizi həbs edilib, daha iki nəfər axtarışa verilib.

İstintaq tərəfi iddia edir ki, onlar ABŞ-dan Rusiyaya 50 milyon dollarlıq elektronikanın oğurlanmasını təşkil ediblər.

Planşetlər, Apple saatları...

Burada söhbət əsas etibarilə planşet kompüterlərindən, telefon və Apple saatlarından gedir.

Bu da qeyd olunur ki, bu malları Aeroflotun keçmiş və indiki işçilərinin baqajlarında daşıyırdılar.

Bu faktla bağlı ABŞ Dövlət Departamenti Aeroflot əməkdaşlarından təxminən 113-nün vizalarını ləğv edib.

Aeroflot şirkəti hələki bu xəbərlə bağlı heç bir şərh verməyib.

TASS xəbər agentliyi bildirir ki, Rusiyanın Nyu Yorkdakı baş konsulluğu cinayət işi barədə informasiyanı araşdırır.

Bu arada xəbər verilir ki, bu yaxınlarda Aeroflotun Nyu York-Moskva reysinin uçuşu bir saatadək ləngidilib.

Qeyd olunur ki, Federal Təhqiqatlar Bürosunun xəfiyyələri rusiyalıların baqajlarını yoxlayırdılar.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG