Sumqayıtda kitab bayramı keçiriləcək

Beynəlxalq Kitab Günü kimi qeyd olunan 23 aprel tarixində Sumqayıt şəhərində böyük kitab bayramı keçiriləcək.

Bayramda kitabsevərlər üçün satış yarmarkası təşkil olunacaq.

SalamNews xəbər verir ki, yarmarkada Azərbaycan dilində çap olunmuş kitablardan əlavə ingilis, türk və rus dillərində nəşr edilmiş yeni kitablarla tanış olmaq imkanı yaranacaq.

“Azərkimya” İstahsalat Birliyi və “Əli və Nino” kitab mağazalar şəbəkəsi tərəfindən təşkil olunan tədbir “Kimyaçı” Mədəniyyat Sarayında baş tutacaq.