Müsabiqə yolu ilə vakant dövlət qulluğu vəzifəsinə keçən şəxslərdən bir qismi sonradan özəl sektorda yüksək əmək haqqı olan işdə işləməyə üstünlük verirlər. İyulun 22-də keçirdiyi mətbuat konfransında Prezident yanında Dövlət Qulluğu Məsələləri üzrə Dövlət Komissiyasının sədri Bəhram Xəlilov belə deyib.
Komissiya rəhbəri bildirir ki, özəl sektorla müqayisədə dövlət qulluqçularının əmək haqqının azlığı səbəbindən daha savadlı və peşəkar kadrlar özəl sektorda işləməyə meylli olurlar.
O, dövlət qulluqçularının əmək haqlarının artırılması yönümündə komissiyanın təkliflər hazırladığını deyib.