İdman televiziyası üçün lisenziya AzTV-yə verildi. Bu barədə «Azadlıq» radiosuna Milli Televiziya və Radio Şurasının (MTRŞ) rəhbəri Nuşirəvan Məhərrəmli məlumat verib.
Onun sözlərinə görə, iyunun 18-də qurumun iclasında idman televiziyası açılması üçün lisenziya Azərbaycan Televiziya və Radio Verilişləri Qapalı Səhmdar Cəmiyyətinə verilib.
MTRŞ bu ilin aprel ayında idman televiziyası üçün müsabiqə elan etmişdi. Müsabiqəyə AzTV-dən başqa «Lider» televiziyası da sənəd vermişdi.
