Keçid linkləri

2024, 28 Mart, Cümə axşamı, Bakı vaxtı 13:33

Fərhad Əliyevin apellyasiya şikayəti təmin edilmədi


Əliyev qardaşları 2005-ci ilin oktyabrında həbs ediliblər
Əliyev qardaşları 2005-ci ilin oktyabrında həbs ediliblər

Sabiq İqtisadi İnkişaf naziri Fərhad Əliyev, onun qardaşı, «Azpetrol» şirkətinin keçmiş rəhbəri Rafiq Əliyev və daha beş nəfərin apellyasiya şikayəti təmin edilməyib.


İyulun 16-da Bakı Apellyasiya Məhkəməsində hakim Mirpaşa Hüseynovun sədrliyi ilə keçirilən prosesdə bu qərar çıxarılıb.


Məhkəmə bütün müttəhimlər barədə birinci instansiya məhkəməsinin qərarını qüvvədə saxlayıb.


Əliyev qardaşları 2005-ci ilin oktyabrında həbs ediliblər. Onlar dövlət çevrilişinə cəhddə ittiham olunublar. Sonradan bu ittiham ayrıca icraata ayrılıb.


2007-ci il oktyabrın 31-də Ağır Cinayətlərə Dair İşlər üzrə Məhkəmənin hökmü ilə F.Əliyev əmlakı müsadirə olunmaqla 10, R.Əliyev isə 9 il müddətinə azadlıqdan məhrum ediliblər.


Digər müttəhimlər, o cümlədən İqtisadi İnkişaf Nazirliyinin bir qrup keçmiş əməkdaşı da müxtəlif müddətli həbs cəzası alıb.


Təqsirləndirilənlər bir sıra iqtisadi və vəzifə cinayətlərində ittiham olunublar.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG