Rusiyanın «Qazprom» şirkəti İranla anlaşma memorandumu imzalayıb. «Qazprom» bildirib ki, anlaşmanı gerçəkləşdirmək üçün birgə işçi qrup yaradılacaq.
İyulun 13-ü «Qazprom»un prezidenti Aleksey Millerlə İranın Yanacaq naziri Qulam Hüseyn Nozarinin görüşü olub.
Elə həmin gün İran yeni neft yataqları aşkarladığını bildirib. Nazir Nozarinin dediyinə görə, yataqlar zəngindir, 1 milyard bareldən çox neft var. İran dünyanın 4-cü iri neft istehsalçısıdır.