Bakının «Neftçi» klubu UEFA İntertoto kubokunun üçüncü mərhələsinə adlayıb. İyulun 12-i axşam Tofiq Bəhramov adına Respublika stadionunda Belçikanın «Jerminal» klubu ilə qarşılaşan «Neftçi» qələbə qazanaraq İntertoto kubokunun üçüncü təsnifat mərhələsinə çıxıb. Qarşılaşmada yeganə topu ikinci hissənin əvvəlində Elnur Allahverdiyev vurub: 1-0.
Belçikada keçirilən ilk oyun 1-1 hesabı ilə başa çatmışdı.
UEFA İntertoto kubokunun üçüncü mərhələsində «Neftçi» Rumıniyanın «Vasluy» klubu ilə mübarizə aparacaq. Qalib komanda UEFA kuboku uğrunda mübarizəyə qoşulacaq.