Bakı şəhəri yaxınlığında açıq səma altında Azərbaycan Etnoqrafiya Muzeyi yaradılacaq. Bu haqda prezident İlham Əliyevin imzaladığı Azərbaycan Etnoqrafiya Muzeyinin yaradıması haqqında sərəncamda deyilir. Sənədə əsasən, Milli Elmlər Akademiyası Mədəniyyət və Turizm Nazirliyi ilə birlikdə muzeyin fəaliyyətinə dair təkliflərini dörd ay müddətində prezidentə təqdim etməlidir.
Mədəniyyət və Turizm Nazirliyi isə İqtisadi İnkişaf Nazirliyi və aidiyyəti yerli icra hakimiyyəti orqanları ilə birlikdə, Etnoqrafiya Muzeyinin kolleksiyalarla və ekspozisiya üçün zəruri olan digər materiallarla təchizatını təmin etməlidir.