ABŞ-ın İstanbuldakı Baş Konsulluğuna hücumda şübhəli bilinən dörd nəfər həbs olunub. Türkiyənin Daxili İşlər naziri Bəşir Atalay deyib ki, şübhəlilərdən üçü İstanbulda, biri isə kənarda həbs edilib.
İyulun 9-da İstanbuldakı Amerika Konsulluğuna silahlı hücum olub. Atışma zamanı üç polis və eyni sayda basqınçı həlak olmuşdu. Hücum edənlərdən biri maşınla hadisə yerindən qaçmışdı. Bəşir Atalay deyib ki, hələ də hadisə yerindən qaçan basqınçının kimliyini müəyyənləşdirib, tapmaq mümkün olmayıb. Əməliyyatlar davam edir, amma hücum edənlərin hansısa beynəlxalq terror qrupuna aid olub-olmadığı dəqiqləşdirilməyib.
