Futbol üzrə ölkə çempionatının güclülər dəstəsində yarışan komandalardan «Masallı» fəaliyyətini dayandırıb. Klub rəhbərliyinin AFFA-ya ünvanladığı məktubda «Masallı»nın 2008/09 mövsümündə premyer-liqada iştirakının mümkünsüz olduğu bildirilir.
İmtinaya səbəb kimi klubun texniki bazasının premyer-liqanın tələblərinə cavab verməməsi, əvəzedici heyətin formalaşmaması və digər səbəblər göstərilib.
«Masallı»nı ölkə çempionatının yeni mövsümündə Salyanın NBC komandasının əvəz edəcəyi gözlənilir.