Keçid linkləri

2024, 29 Mart, Cümə, Bakı vaxtı 08:52

«Seçkilərə yardımların qanunvericiliyə uyğunluğu nəzərdən keçirilir»


Xarici İşlər Nazirliyinin mətbuat katibi Xəzər İbrahim
Xarici İşlər Nazirliyinin mətbuat katibi Xəzər İbrahim

«ABŞ-ın Azərbaycandakı seçkilərə yardımlarının Azərbaycan qanunvericiliyinə uyğunluğu nəzərdən keçirilir».


Bunu Xarici İşlər Nazirliyinin mətbuat katibi Xəzər İbrahim iyunun 30-da ənənəvi mətbuat konfransında bildirib.


X.İbrahim deyib ki, məsələyə keçmiş təcrübədən yanaşılacaq:


«Əgər yardımlar bundan əvvəl olduğu kimi, Azərbaycan qanunvericiliyi çərçivəsində olacaqsa, burada biz heç bir problem görmürük».


Amerika bu il Azərbaycanda keçiriləcək prezident seçkisinə dəstək məqsədi ilə 3 milyon dollardan sox yardım edəcəyini açıqlayıb. Bu vəsait siyasi partiyaların və seçki sisteminin güclənməsinə sərf ediləcək.


Daha əvvəl Prezidentin İcra Aparatının rəhbəri Ramiz Mehdiyev deyib ki, ABŞ-ın seçkilərə vəsait ayırması ölkənin daxili işlərinə müdaxilədir.


Amerika səfirliyinin ictimaiyyətlə əlaqələr departamentinin rəhbəri Conatan Henik isə bildirib ki, ABŞ proqramlarının əksəriyyətini Azərbaycan hökuməti ilə əməkdaşlıq çərçivəsində həyata keçirir: «Əgər biz Azərbaycanın öz məqsədlərini dəstəkləyiriksə, bu, necə müdaxilə sayıla bilər».


Xəzər İbrahim onu da deyib ki, ötən həftə Bakıda keçirilmiş Amerika-Azərbaycan demokratiya dialoqunda tərəflər öz mövqelərini ortaya qoyublar.


Bakı bildirib ki, demokratiya islahatlarını davam etdirəcək və seçkiləri ən yüksək səviyyədə keçirəcək.


Amerika-Azərbaycan demokratiya dialoqu payızda davam etdiriləcək.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG