Keçid linkləri

2024, 20 May, Bazar ertəsi, Bakı vaxtı 01:32

Əcnəbi şirkətin 500-ə yaxın azərbaycanlı işçisi tətilə başlayıb


«Caspian Shipyard Company» neft-qaz sənayesində fəaliyyət göstərir
«Caspian Shipyard Company» neft-qaz sənayesində fəaliyyət göstərir

Neft-qaz sənayesində fəaliyyət göstərən «Caspian Shipyard Company»nin 500-ə yaxın azərbaycanlı işçisi tətilə başlayıb. Tətilçilər «Azadlıq» radiosuna deyiblər ki, onlar rəhbərlikdən əmək haqlarının şirkətdə çalışan xarici vətəndaşların maaşları səviyyəsinə qaldırılmasını tələb edirlər:


«Bizə məzüniyyət 21 gün, xaricilərə isə 40 gün verirlər».


Tələblərini yazılı şəkildə rəhbərliyə verən tətilçilər həmçinin həmkarlar ittifaqının yaradılmasını istəyirlər.


Aksiyaçılar eləcə də xarici ölkə vətəndaşı olan iş icraçılarının onlarla rəftarından narazıdılar.


«Caspian Shipyard Company»dən isə «Azadlıq» radiosuna deyiblər ki, hazırda rəhbərlik iclasdadı və məsələyə münasibətini açıqlayacaq.


Günün sonunda şirkətin rəhbərliyi məsələnin həll olunması üçün tətilçilərdən bir həftə vaxt istəyib. Azərbaycanlı işçilər «Azadlıq» radiosuna deyiblər ki, həmin müddətdə problem həll olunmasa, yenidən aksiyalara başlayacaqlar.


Sinqapura məxsus «Caspian Shipyard» şirkəti Qazaxıstanda fəaliyyət göstərən İtaliyanın «Agip» şirkətinin subpodratçısıdır.


Bu, Azərbaycanda fəaliyyət göstərən xarici şirkətlərdə çalışan işçilərin son beş ayda altıncı tətilidir.


AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG