İyunun 6-da ali məktəblərə qəbul imtahanlarının vaxtı elan olunub. Tələbə Qəbulu üzrə Dövlət Komissiyasının sədri Məleykə Abbaszadənin verdiyi məlumata görə, imtahana iyunun 29-da start veriləcək. Həmin gün III qrup üzrə imtahan keçiriləcək.
I-ci qrup üzrə imtahan iyulun 8-də, II qrup üzrə iyulun 14-də, IV qrup üzrə isə iyulun 20-də keçiriləcək.
İmtahana buraxılış vərəqəsi iyunun 20-dən sonra veriləcək.
Bu ilki qəbul imtahanlarında 116 mindən çox abituriyentin iştirak edəcəyi gözlənilir.
