Keçid linkləri

2024, 28 Mart, Cümə axşamı, Bakı vaxtı 20:34

Amerika GUAM-ı demokratik islahatlara çağırır


Səfir deyir ki, GUAM artıq regional və dünya miqyaslı məsələlərdə rolunu artırıb
Səfir deyir ki, GUAM artıq regional və dünya miqyaslı məsələlərdə rolunu artırıb

Amerika Gürcüstan, Ukrayna, Azərbaycan və Moldovanı demokratik islahatlara və Avroatlantik məkana inteqrasiyaya çağırır.


Bunu ABŞ-ın Azərbaycandakı səfiri Enn Dersi mayın 29-da Bakıda GUAM-ın inkişafına həsr olunan tədbirdə bəyan edib:


«ABŞ inanır ki GUAM xüsusilə birgə demokratik dəyərlərin inkişafı vəzifəsilə regional təhlükəsizliyi təmin edə bilər. Demokratik dəyərlərə bağlılıq demokratik islahatların keçirilməsi və Avroatlantik məkana inteqrasiya bu bölgədə yerləşən dövlətlərin müstəqillilyi, təhlükəsizliyi və tərəqqisinin təminatının ən yaxşı yoludur».


Səfir deyib ki, GUAM artıq regional və dünya miqyaslı məsələlərdə rolunu artırıb: azad ticarət zonası yaradıb, qlobal enerji təhlükəsizliyində rol oynayır və fövqəladə hallara cavab tədbirlərini həyata keçirə bilir.


Dersi vurğulayıb ki, bütün bunlar elə ABŞ-ın da məqsədləridir və indi Vaşinqton GUAM çərçivəsində Ümumavropa standartlarını inkişaf etdirə bilən proqramları nəzərdən keçirir.


Səfir onu da deyib ki regionun təhlükəsizliyi GUAM ölkələrindəki münaqişələrin dinc həll yolunun tapılmasından asılıdır. Buna görə də ABŞ ATƏT-lə birlikdə səylərini davam etdirəcək.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG