«Bu il ölkədə alkoqollu içki istehsalı 2007-ci il ilə müqayisədə bir neçə dəfə artıb. İstehsal edilən məhsulun böyük hissəsi xaricə ixrac edilir». Kənd təsərrüfatı naziri İsmət Abbasov mayın 23-də keçirdiyi mətbuat konfransında belə deyib.
Nazir onu da bildirib ki, ötən illə müqayisədə Azərbaycana araq idxalı 8 dəfəyə yaxın azalıb. İsmət Abbasovun fikrincə bu, yerli istehsalın genişlənməsi ilə bağlıdır.
Hazırda Azərbaycanda alkoqollu içkilərin istehsalı ilə 44, pivə istehsalı ilə 35 müəssisə məşğul olur.
