«Azadlıq» qəzeti ətrafında baş verən olaylar Avropa Şurası Parlament Assambleyasının Azərbaycan üzrə məruzəçiləri Andreas Herkel və Yevgeniya Jivkova ilə müzakirə olunub.
Bu barədə «Azadlıq» radiosuna qəzetin direktoru Azər Əhmədov məlumat verib. O, bildirib ki, həmməruzəçilərlə mayın 19-da keçirilən görüşdə qəzetin əməkdaşı Aqil Xəlilin məsələsi də müzakirə olunub:
«Həmməmurzəçilərin əsas narahatçılığı Azərbaycanda mətbuatın vəziyyəti, həbsdə olan jurnalistlər, «Azadlıq» qəzetinin əməkdaşı Aqil Xəlil ətrafında baş verən olaylarla bağlıdır».
Görüş vaxta cənab Herkel həbsdə olan jurnalistlər Qənimət Zahid, onun qardaşı Mirzə Sakit və Eynulla Fətullayevlə görüşü barədə məlumat verib.
«Azadlıq» qəzetinin baş redaktoru və bir yazarı hazırda həbsdədirlər, müxbir Aqil Xəlilin həyatına isə iki dəfə sui-qəsd edilib.
AŞPA rəsmiləri Andreas Herkel və Yevgeniya Jivkova mayın 18-dən Bakıdadırlar. Onlar müxtəlif səviyyələrdə keçirilən görüşlərində ölkədə demokratiyanın vəziyyətini müzakirə edirlər.
