Mayın 19-u saat 3-də «Azərsu» Açıq tipli Səhmdar Cəmiyyətinin (ASC) obyektlərinə verilən elektrik enerjisi tamamilə dayandırılacaq. Bu da Bakı, Sumqayıt, həmçinin Abşeron ərazisinin su təchizatında problem yaradacaq.
«Azərsu» ASC-dən istifadə etdiyi elektrik enerjisinə görə borcunu ala bilməyən «Sumqayıtelektrikşəbəkə» belə addım atıb. Elektrik şəbəkəsindən deyirlər ki, dəfələrlə etdikləri xəbərdarlıqlara baxmayaraq, «Azərsu» hələ də borcunu ödəməyib.
Su təsərrüfatı obyektlərində istehlak edilmiş elektrik enerjisinə görə «Azərsu»nun 38 milyon manata yaxın borcu yaranıb.
