Keçid linkləri

2024, 25 Aprel, Cümə axşamı, Bakı vaxtı 18:44

Beynəlxalq təşkilatlar Aqil Xəlilə növbəti basqını pisləyir


Aqil Xəlil xəstəxanada, 17 mart 2008
Aqil Xəlil xəstəxanada, 17 mart 2008

«Sərhədsiz reportyorlar» və Beynəlxalq Jurnalistləri Müdafiə Komitəsi «Azadlıq» qəzetinin müxbiri Aqil Xəlilə qarşı növbəti fiziki hücumları pisləyib.


«Sərhədsiz reportyorlar» öz bəyanatında qeyd edir ki, mayın 7-də kimsə Aqil Xəlili metro qatarının altına itələməyə cəhd edib, bir neçə saat sonra isə iki nəfər onu küçədə tutaraq, oğurlamaq istəyib.


«Sərhədsiz reportyorlar» bildirir ki, «hakimiyyət buna reaksiya verməli və bu zorakılığı dayandırmalıdır ki, Aqil Xəlil jurnalist kimi tam təhlükəsizlik şəraitində öz işini yerinə yetirə bilsin».


Beynəlxalq Jurnalistləri Müdafiə Komitəsi də Aqil Xəlilə qarşı davam edən hücumlardan narahatdır. Komitə Azərbaycan hökumətini «jurnalistin həyatına qəsd cəhdlərini araşdırmağa və onun təhlükəsizliyini təmin etməyə çağırır».


«Jurnalistlərə qarşı hücumlara məhəl qoymamaqla Azərbaycan rəhbərliyi sonu olmayan cəzasızlıq silsiləsinin iştirakçısına çevrilir. Bu da ölkədə söz azadlığı sahəsində onsuz da çox pis olan vəziyyəti daha da pisləşdirir», – deyə komitənin Avropa və Mərkəzi Asiya bölməsinin koordinatoru Nina Oqnianova bildirib.


«Azadlıq» qəzetinin müxbiri Aqil Xəlili fevralın 22-də «Zeytun Bağları» adlanan ərazidə döyüblər. Həmin vaxt o, qanunsuz ağac kəsən şəxslərin şəklini çəkirdi. Martın 13-də isə naməlum şəxslər onu ürək nahiyəsindən bıçaqlayıblar.



Respublika Prokurorluğu jurnalistin homoseksuallarla əlaqəsi barədə videolent yayıb. ATƏT-in mətbuat azadlığı üzrə xüsusi nümayəndəsi Mikloş Haraşti bunu «biabırçılıq» adlandırıb.


«Jurnalistin döyülməsi və ona təcavüz faktlarını araşdırmaq əvəzinə prokurorluq ləkəyaxma kampaniyasına başlayıb», - deyə ATƏT rəsmisi qeyd edib.


AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG