«Sərhədsiz Reportyorlar» Prezidentin İcra Aparatının rəhbəri Ramiz Mehdiyevin çıxışına cavab verib. Ramiz Mehdiyev mayın 7-də deyib ki, Azərbaycanda jurnalistlər «yazılarına görə yox, cinayət əməllərinə görə həbs olunublar».
«Sərhədsiz Reportyorlar» təşkilatının Azərbaycanda jurnalistikanın vəziyyətinə aid hesabatını şərh edən Mehdiyev bu məlumatları əsassız adlandırıb.
«Sərhədsiz Reportyorlar» isə Mehdiyevin çıxışını qəbulolunmaz hesab edirlər: «Təşkilatın hesabatları faktlara əsaslanır. Azərbaycanda 3 jurnalist məhz hökuməti tənqid etdiyinə görə həbsdədir».
