«ABŞ-ın Azərbaycandakı prezident seçkisinə 3 milyon dollar vəsait ayırmasını Azərbaycanın daxili işlərinə müdaxilə kimi qiymətləndirirəm». Bunu Prezidentin İcra Aparatının rəhbəri Ramiz Mehdiyev mayın 3-də keçirilən «Heydər Əliyev və Azərbaycan adlı» konfransda deyib. Xəbəri ANS yayıb.
Mehdiyev deyib: «Mən Amerikanın bu addımını normal hesab etmirəm. Azərbaycan qüdrətli dövlətdir. Heç kim onun inkişafının qarşısını ala bilməz. Azərbaycan hakimiyyəti seçkiyə monolit gedir. Heç kimin buna şübhəsi olmasın».
ABŞ səfiri Enn Ders bildirib ki, Amerika bu il keçirilən prezident seçkisinə dəstək məqsədi ilə Azərbaycana 3 milyon dollar yardım edəcək. Diplomat deyib ki, bu vəsait siyasi partiyaların və seçki sisteminin güclənməsinə sərf ediləcək.
