Keçid linkləri

2024, 24 Aprel, çərşənbə, Bakı vaxtı 04:07

İki nəfər aclığı dayandırıb, 7 jurnalist aksiyanı davam etdirir


Jurnalistlər artıq 11-ci gündür ki, aclıq edirlər
Jurnalistlər artıq 11-ci gündür ki, aclıq edirlər

«Gündəlik Azərbaycan» qəzetinin keçmiş əməkdaşı Üzeyir Cəfərov «Azadlıq» radiosuna bildirib ki, hazırda aksiyada 7 nəfər iştirak edir. Aprelin 5-də «Paralel» qəzetinin yazarı Akif Nəsirov və Müsavat partiyası mətbuat xidmətinin əməkdaşı Yalçın Abbaslı da aksiyaya qoşulub.


Üzeyir Cəfərov: «Bu gün (aprelin 5-i – red.) saat 12-də «Yeni Müsavat» qəzetinin baş redaktoru Rauf Arifoğlu aclıq aksiyasını dayandırdı, onun yerinə «Yeni Müsavat» qəzetinin redaktoru Famil Cəfərli qoşulub. «Paralel» qəzetinin redaktor müavini Akif Nəsirli, o cümlədən Müsavat partiyasının mətbuat xidmətinin əməkdaşı Yalçın Abbaslı da bu gündən aksiyaya qoşulub. Gecə saat 2 radələrində Şahvələd Çobanoğlu özünü son dərəcə pis etdiyindən, onu inandıra bildik ki, aclıq aksiyasını dayandırsın. Hal-hazırda o, evdə həkim nəzarəti altındadır. Beləliklə, mən, AXCP Rəyasət Heyətinin üzvü Nemət Əliyev, «Realnı Azerbaydjan» qəzetinin əməkdaşı Çingiz Sultansoy da daxil olmaqla hazırda 7 nəfər aclıq aksiyasını davam etdiririk».


Jurnalistlər artıq 11-ci gündür ki, aclıq edirlər. Onlar həbsxanadakı həmkarları – «Gündəlik Azərbaycan» və «Realnı Azerbaydjan» qəzetlərinin baş redaktoru Eynulla Fətullayevə dəstək vermək üçün bu vasitəyə əl atıblar.


Eynulla Fətullayevin atası Emin Fətullayev aprelin 5-də oğlu ilə görüşüb. Onun dediyinə görə, Eynulla aclığı dayandırmaq istəmir:


«Deyir, aclığı davam etdirirəm. Mənə bütün siyasi məhbusların buraxılması mexanizmi deyilməyincə, aclığı davam etdirəcəm. Səhhəti zəifləyib, arıqlayıb. Halsızdır».


Eynulla Fətullayev martın 26-dan aclıq edir. O tələb edir ki, həbsdə olan jurnalist həmkarları azadlığa buraxılsın, özünün məhkəmə işinə yenidən baxılsın. Avropa Şurası və ATƏT isə vicdan və siyasi məhbuslarla bağlı konkret müdafiə mexanizmlərini ortaya qoysunlar.


AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG