Mart ayında ölkənin böyük şəhərlərində ərzaq və kənd təsərrüfatı mallarının qiyməti orta hesabla 9% artıb. Bu müddətdə ən çox bahalaşma orta hesabla 10,2% Bakıda qeydə alınıb.
Bu müddətdə ərzaq məhsullarından ən çox toyuq (28.5%), mal əti (19.5%), qoyun əti (18,3%), un (10%), ağ balığın (8%) qiyməti qalxıb. Mövsümlə əlaqədar olaraq bəzi kənd təsərrüfatı məhsullarının qiymətində isə 10-15% ucuzlaşma qeydə alınıb.
Ekspertlər buna əsas səbəb kimi inflyasiyanı və bazardakı inhisarlaşmanı, eyni zamanda bu aya təsadüf edən bayramların da təsirini vurğulayırlar. Bayram günlərindən sonra qiymətlərin enməsi gözlənilsə də, proqnoz özünü doğrultmadı.
