Daşkəsənin Çıraqlı kəndindən 2-3 kilometrlik məsafədə yerləşən 12 ha meşə ərazisində yanğını olub.
Ərazi texnikanın daxil ola bilmədiyi yer sayılır. Daşkəsən İcra Hakimiyyətindən Meydanəli Yolçuyev «Azadlıq» radiosuna deyib ki, rayonda dağ şəraitində işləyən texnika olsa da, həmin əraziyə qalxmaq çətindir.
İcra Hakimiyyətinin göstərişi ilə yaxın kəndlərin sakinləri də səfərbər olunaraq yanğını əllə söndürməyə çalışıblar.
Fövqəladə Hallar Nazirliyinin yardımı ilə yanğın söndürülüb.