Bu il Azərbaycanın təhsil sistemində maddi-texniki bazasının yaxşılaşdırılması üçün 196 milyon manat ayrılıb. Təhsil naziri Misir Mərdanovun sözlərinə görə, ilk dəfə olaraq 523 obyektdə iş aparılacaq.
Nazir bildirir ki, ölkə üzrə 115 yeni məktəb binası tikiləcək. O cümlədən 32 orta məktəb üçün əlavə tədris korpusunun, 4 peşə məktəbi, 2 rayon təhsil idarəsi üçün inzibati bina tikiləcək.
Nazirliyin açıqlamasına görə, Azərbaycanda 1500 məktəbin isə əsaslı təmirinə ehtiyac var.