Keçid linkləri

2024, 29 Mart, Cümə, Bakı vaxtı 13:46

ABŞ Azərbaycanda xüsusi laboratoriya şəbəkələri quraşdırır


Bu laboratoriyalar 44 təhlükəli xəstəliyin qarşısının alınmasına xidmət edəcək
Bu laboratoriyalar 44 təhlükəli xəstəliyin qarşısının alınmasına xidmət edəcək

Amerika Azərbaycanda bioloji xəstəliklərin azaldılması və onların yayılmasının qarşısının alınması üçün xüsusi laboratoriya şəbəkələri quraşdırır. İndiyədək iki rayonda - Saatlı və Sabirabadda belə sistemlər istifadəyə verilib. Hazırda isə Qubada laboratoriya şəbəkəsini quraşdırmaq məsələsi müzakirə olunur.


Bu barədə Dövlət Baytarlıq Xidmətinin beynəlxalq əlaqələr şöbəsinin müdiri Eldəniz Zeynalov məlumat verib. O, deyib ki, bu laboratoriyalar 44 təhlükəli xəstəliyin, o cümlədən qara yara, «quş qripi», vərəm və dabaq kimi xəstəliklərin aşkarlanmasına, monitorinqinə və qarşısının alınmasına xidmət edəcək.


Hazırda Bakıda ABŞ Müdafiə Nazirliyinin nümayəndələrinin iştirakı ilə beynəlxalq görüş keçirilir. Azərbaycan, Gürcüstan, Qazaxıstan, Özbəkistan və Ukrayna nümayəndələri Birləşmiş Ştatlarla birlikdə bölgədə bioloji təhlükələrin qarşısını almaq üzərində işləyirlər.


ABŞ son iki ildə Azərbaycanda «quş qripi», vərəm kimi xəstəliklərin yayılmasından narahatlığını bildirib.


Ümumdünya Səhiyyə Təşkilatının bugünlərdə yaydığı yeni hesabatda deyilirdi ki, dərmanlara müqavimətli vərəm xəstəliyinin ən yüksək göstərici Azərbaycanın paytaxtı Bakıda qeydə alınıb. Burada vərəmə yoluxan xəstələrin təxminən dördə birinin (22.3 faiz) bu xəstəlikdən əziyyət çəkdiyi bildirilir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG