Rusiyada yaşayan azərbaycanlılar prezident seçkilərində Dmitri Medvedevin namizədliyini dəstəkləyəcək.
Bunu fevralın 29-da keçirdiyi mətbuat konfransında Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov deyib.
Komitə sədri bildirib ki, Ümumrusiya Azərbaycan Konqresinin (ÜAK) iclasında belə bir qərar qəbul olunub: «Qərara alınıb ki, martın 2-də keçiriləcək seçkilərdə diaspor nümayəndələri fəal iştirak etsinlər və prezident Vladimir Putinin təklifi ilə irəli sürülən Dmitri Medvedevin namizədliyini dəstəkləsinlər».
ÜAK-ın Sverdlovsk dairə bölməsi isə yerli bələdiyyə seçkilərində hakim «Yedinaya Rossiya» Partiyasının namizədlərini dəstəkləyəcəklər.
Rəsmi məlumatlara görə Rusiya Federasiyasında 2 milyondan çox azərbaycanlı yaşayır.
