Qənimət Zahidin fevralın 28-də keçirilməli olan məhkəmə prosesi heç bir səbəb göstərilmədən martın 6-na təxirə salınıb.
Bundan əvvəlki məhkəmə prosesində prokuror Qənimət Zahidin beş il azadlıqdan məhrum edilməsini istəyib.
«Azadlıq» qəzetinin baş redaktoru Qənimət Zahid 2007-ci ilin noyabrında xuliqanlıqda təqsirləndirilərək həbs edilib.
Jurnalist isə həbsinin peşə fəaliyyəti ilə əlaqədar olduğunu bildirir. Beynəlxalq insan hüquqları təşkilatları Qənimət Zahidin həbsini pisləyir və onun dərhal azad olunmasını tələb edirlər.