İctimai Televiziya və Radio Yayımları Şirkəti ilə Türkiyə Radio Televiziya Qurumu (TRT) arasında ikitərəfli əməkdaşlığa dair saziş imzalanıb.
Razılaşma İTV-nin baş direktoru İsmayıl Ömərovun Türkiyəyə səfəri çərçivəsində əldə edilib. Sazişə əsasən, həm televiziya, həm də radioda ortaq proqramlar hazırlanacaq və digər layihələr reallaşacaq. Bundan əlavə, tərəflər proqram, texniki və yaradıcı təcrübə mübadiləsi də həyata keçirəcəklər.