Azərbaycanda xarici dövlətlərin bayraqlarının harada gəldi asılmasına icazə verilməyəcək.
Fevralın 22-də Milli Məclis «Azərbaycanda xarici dövlətlərin və beynəlxalq təşkilatların bayraqlarının istifadəsi qaydaları haqqında» qanun layihəsini birinci oxunuşda qəbul edib.
Yeni qaydalara görə əcnəbi bayraqlar yalnız xarici dövlətlərin diplomatik nümayəndəlikləri və konsulluqları binaları, onların iqamətgahlarının üzərində qaldırıla bilər. Bundan başqa xarici dövlətlərin yüksək səviyyəli nümayəndələrinin Azərbaycana səfəri zamanı protokol qaydasında müəyyən edilmiş yerlərdə, Azərbaycanın daxili sularında üzən və limanlarında dayanan gəmilərin üzərində, eləcədə beynəlxalq səviyyəli tədbirlərdə asıla bilər.
Qanun həmçinin diplomatik nümayəndəliyin və konsulluq rəhbərliyinin, eləcə də xarici dövlətlərin ölkəyə gələn yüksək nümayəndələrinin maşınları üzərində ola bilər.
Layihə barədə parlamentin beynəlxalq münasibətlər və parlamentlərarası əlaqələr komissiyasının sədri Səməd Seyidov məlumat verib.
