Bu gecə ölkə ərazisində şaxta olacaq. Qeyri-sabit hava şəraiti fevralın 14-nə qədər davam edəcək. Milli Hidrometereologiya Departamentindən Umayra Tağıyevanın dediyinə görə Bakıda bütün gün qar yağacaq, şimal küləyi əsəcək: «Bu gecə Bakıda 3 dərəcə şaxta olacaq, sabah yollar buz bağlayacaq». Bakıda və Abşeronda şimal-qərb küləyinin sürəti 22-25 m/san-yə çatacaq.
Artıq fevralın 11-dən bir çox rayonlarda qar yağır. Cənub-şərq rayonlarında yağıntı intensiv xarakter daşıyır və qar artıq 14 sm.-ə çatıb.
Fevralın 14-ü günün ikinci yarısından yağıntı dayanacaq, temperaturu bir qədər yüksələcək.
