Gürcüstanın Baş Prokurorluğu biznesmen Badri Patarkatsişvilini hakimiyyəti devirmək üçün sui-qəsddə ittiham edib.
Ona qarşı «siyasi xadimə hücuma hazırlıq» və «terror aktına hazırlıq» maddələri ilə cinayət işi qaldırılıb.
Biznesmenin özü Gürcüstanda olmadığından, dindirməyə gəlmək haqda çağırış vərəqəsi onun ailəsinə təqdim olunacaq. Məhkəmənin qərarı ilə Patarkatsişvilinin Gürcüstanın «Standartbank»ındakı şəxsi hesabının üzərinə həbs qoyulub.
Badri Patarkatsişvili Gürcüstanda növbədənkənar prezident seçkisində iştirak edib və rəsmi məlumata görə, 7 faizə qədər səs toplayıb.
