Azərbaycanda keçiriləcək prezident seçkisinə ABŞ böyük diqqət ayıracaq. Azərbaycanda səfərdə olan ABŞ konqresmeni Robert Veksler «Azadlıq» radiosuna belə deyib.
Veksler yanvarın 9-da həmçinin ABŞ-ın Azərbaycan səfirliyində bir sıra müxalifət liderlərilə görüşüb. Görüşdə Müsavat Partiyasının başqanı İsa Qəmbər, «Milli Birlik» Hərəkatının lideri Lalə Şövkət, Xalq Cəbhəsi Partiyasının sədri Əli Kərimli və «Azərbaycan Naminə» Forumun prezidenti Eldar Namazov iştirak edib.
Görüşdə Azərbaycan-ABŞ münasibətləri, regional problemlər, ölkədə insan azadlıqlarının durumu, ictimai-siyasi vəziyyətlə bağlı fikir mübadiləsi aparılıb.
