Yasamal Rayon Məhkəməsinin hakimi bildirib ki, pis hava şəraitinə görə jurnalisti məhkəməyə gətirmək mümkün deyil. Buna görə də proses təxirə salınıb.
Vəkil məhkəməni müdafiə etdiyi şəxsin iştirakı olmadan da davam etdirilməsi haqda vəsatət qaldırıb. Vəsatət təmin edilməyib.
«Azadlıq» qəzetinin baş redaktoru Qənimət Zahid noyabrın 11-də iki aylığa həbs olunub. Ona qarşı xuliqanlıq və az ağır xəsarət yetirmə ittihamları irəli sürülüb.
Beynəlxalq hüquq müdafiə təşkilatları jurnalistin dərhal azad olunmasını tələb edirlər.
