Azərbaycan tərəfi İranla anlaşılmazlıqlarını diplomatik kanallar vasitəsi ilə araşdırıb yoluna qoymağa çalışacaq. Bunu Xarici İşlər nazirinin müavini Xələf Xələfov dekabrın 20-də bildirib.
Bununla belə, nazir müavini ölkələrarası münasibətlərdə heç bir gərginlik olmadığını deyib: «Daim qonşu olan ölkələr arasında müəyyən məsələlər olur və mətbuatda izah tələb edir».
Azərbaycanın Milli Təhlükəsizlik Nazirliyi şərti adı «Səidin dəstəsi» olan qrupu İranın kəşfiyyat orqanları ilə işbirliyində ittiham edir. Tehran isə bununla razılaşmır və Bakıdan izahat tələb edir.