Noyabrın 26-sı saat 14.00 radələrində tikilməkdə olan göydələnin 17-ci mərtəbəsindən orada fəhlə işləyən İlkin Yusifov yıxılıb və aldığı xəsarətdən hadisə yerində ölüb. Xəbəri Daxili İşlər Nazirliyinin Mətbuat Xidməti yayıb.
Hündürmərtəbəli bina Binəqədi rayonunda F.Məlimov küçəsində «Piramida» MTK tərəfindən inşa edilir.
Vəfat edən İlkin Yusifov Salyan rayon sakinidir.
Rəsmi məlumatlara görə, yalnız 2007-ci il ərzində tikintidə 40-dan çox insan ölüb. Təkcə avqustun 29-da Naxçıvani küçəsində binanın uçması zamanı isə 25 fəhlə ölüb.