Noyabrın 29-da Avropa İnsan Haqları Məhkəməsində Ələkrəm Hümmətovun Azərbaycana qarşı şikayətinə baxılmalıdır.
Ə.Hümmətov iddia ərizəsində ona münasibətdə Avropa İnsan Haqları Konvensiyasının 3-cü (qeyri-insani rəftardan qorunmaq), 13-cü (keyfiyyətli müalicə hüququ) və 6-cı maddəsinin 1-ci paraqrafının (ədalətli məhkəmə hüququ) pozulduğunu bildirir.
Ə.Hümmətov 1993-cü ildə Azərbaycanı parçalamaqda, «Talış-Muğan Respublikası» yaratmaqda təqsirli bilinərək, ömürlük həbs cəzası alıb. O, 2004-cü ildə prezidentin fərmanı ilə əfv olunub və Azərbaycandan mühacirət edib.
Hazırda Ə.Hümmətov Hollandiyanın Haaqa şəhərində yaşayır. / APA /
