Bakı Apellyasiya Məhkəməsində Hacı Məmmədov və bir qrupp şəxsin işi üzrə qərar çıxarılması noyabrın 28-nə təxirə salınıb. «Turan»ın məlumatına görə, təxirə salmanın səbəbləri ilə bağlı heç bir izahat verilməyib.
Hacı Məmmədov və daha 26 nəfər bir sıra adam oğurluqları və qətllərdə təqsirləndirilir. Dəstə 2005-ci ilin martın 9-dan 10-na keçən gecə Milli Təhlükəsizlik Nazirliyinin həyata keçirdiyi «Qara kəmər» əməliyyatı nəticəsində zərərsizləşdirilib.
Qrupun məhkəməsi ötən ilin iyulunda başlamışdı. Onlara 2007-ci ilin yanvarında hökm oxunub. Hacı Məmmədov və digər 9 nəfər ömürlük, qalanları isə müxtəlif müddətə azadlıqdan məhrum ediliblər. Onlar hökmdən apellyasiya şikayəti veriblər.