«Azadlıq» qəzetinin baş redaktoru Qənimət Zahidin həbsiylə bağlı yaradılan Söz Azadlığını Müdafiə Komitəsi onun zaminə buraxılması üçün millət vəkillərinə və ziyalılara müraciət etməyi qərara alıb. Komitənin üzvü, deputat Pənah Hüseyn belə bir müraciəti Baş prokurora göndərəcəklərini deyir.
Bundan başqa, komitə Q.Zahidin azadlıga buraxılması üçün kütləvi aksiyalar keçirməyi də planlaşdırır.
Noyabrın 12-də Yasamal Rayon Məhkəməsi «Azadlıq» qəzetinin baş redaktoru Qənimət Zahidin 2 aylığa həbs olunması haqqında qərar çıxarıb.