Bu barədə APA-ya məhbusun qardaşı, «Azadlıq» qəzetinin baş redaktoru Qənimət Zahid bildirib. O, deyib ki, şikayət ərizəsində M. Sakitin ədalətsiz mühakimə olunduğu bildirilir:
«Mən inanıram ki, Avropa Məhkəməsi bu işlə bağlı ədalətli qərar çıxaracaq. Bu günlərdə beynəlxalq təşkilatların Mirzə Sakitin həbsinə etiraz edən bəyanatlarını da Avropa Məhkəməsinə göndərəcəyik. Ümid edirəm ki, bunun da çıxarılacaq qərara təsiri olacaq».
Mirzə Sakit ötən ilin iyun ayında qanunsuz narkotik saxlamaq ittihamı ilə həbs edilib. O, özü isə həbsinin jurnalistlik fəaliyyəti ilə bağlı olduğunu bildirir.